2005 წელს დაიცვა სადოქტორო დისერტაცია ფილოსოფიაში თემაზე - „ბრიტანული განმანათლებლობის ესთეტიკური კონცეფციები“. 1984-2011 წლებში იყო საქართველოს მეცნიერებათა აკადემიის სავლე წერეთლის სახელობის ფილოსოფიის ინსტიტუტის მეცნიერ-თანამშრომელი. 2012-2013 წლებში მუშაობდა სოხუმის სახელმწიფო უნივერსიტეტში მიწვეული პროფესორის თანამდებობაზე. 2013-2014 წლებში მუშაობდა თბილისის ღია უნივერსიტეტში მიწვეული პროფესორის თანამდებობაზე. 2016 წლიდან დღემდე მუშაობს ივანე ჯავახიშვილის სახელობის თბილისის სახელმწიფო უნივერსიტეტში ჰუმანიტარული ფაკულტეტის ფილოსოფიის მიმართულების მიწვეულ პროფესორად. იგი არის 20-მდე სამეცნიერო სტატიის ავტორი და თანაავტორი. ეწევა მთარგმნელობით საქმიანობას. თარგმნილი აქვს არაერთი ცნობილი ფილოსოფიური თხზულება ინგლისური ენიდან.
ფილოსოფიის მეცნიერებათა დოქტორი, პროფესორი ელენე თოფურიძე დაიბადა 1922 წლის 3 მაისს ქ. ბათუმში. მამა – ივანე თოფურიძე - პროფესიით ქიმიკოსი იყო, მუშაობდა სოჭსა და ხარკოვში, საქართველოში დაბრუნების შემდეგ კი თბილისში დამკვიდრდა. მისი აქტიური მონაწილეობით ჩაეყარა საფუძველი ფარმაცევტულ ინფრასტრუქტურას საქართველოში, რაც სიგელებით და ჯილდოებით აღინიშნა კიდეც. დედა – ოლღა ლორთქიფანიძე - დიასახლისი იყო.
ლამარა რამიშვილი (1938–2009 წწ.), ქართველი ფილოლოგი, მთარგმნელი, ფილოსოფოსი, დაიბადა ქართველი პედაგოგის და საზოგადო მოღვაწის ვალერიან რამიშვილის ოჯახში. მისი ძმა, გურამ რამიშვილი (1932-1998 წწ.) ცნობილი ენათმეცნიერი და საზოგადო მოღვაწე იყო.