ფილოლოგიის მეცნიერებათა დოქტორი, გელათის აკადემიის აკადემიკოსი, ხელნაწერთა ეროვნული ცენტრის მთავარი მეცნიერი თანამშრომელი, თბილისის სასულიერო აკადემიის პროფესორი. 1959 წლიდან მუშაობს კ. კეკელიძის სახელობის საქართველოს ხელნაწერთა ეროვნულ ცენტრში, იკვლევს ძველ ქართულ ფილოსოფიურ-საღვთისმეტყველო ძეგლებს. არის ათზე მეტი მონოგრაფიისა და ასზე მეტი სამეცნიერო სტატიის ავტორი, რომლებიც გამოქვეყნებულია როგორც ქართულ, ისე უცხოურ პერიოდულ გამოცემებში.
ქართულ ფილოსოფიურ მწერლობაში XII ს.-ში ითარგმნა ალექსანდრიული სკოლის ნეოპლატონიკოსი ფილოსოფოსის, ამონიოს ერმისის ორი თხზულება: 1. მოსაჴსენებელი „ხუთთა ჴმათადმი“ პორფირი ფილოსოფოსისათა; 2. მოსაჴსენებელი „ათთა კატიღორიათადმი“ არისტოტელისთა.
ცნობილი ბერძენი თეოლოგი და მწერალი იოანე დამასკელი VIII ს.-ის მოღვაწეა. იოანე დამასკელის მოღვაწეობით დამთავრდა ბერძნული თეოლოგიის პატრისტიკული პერიოდი და დასაბამი მიეცა ახალ, სქოლასტიკურ პერიოდს. სასულიერო მწერლობის ყველა დარგი მნიშვნელოვნადაა დავალებული იოანე დამასკელისაგან.